31 кастрычніка 2026 года

З 15:00 да 16:00

«Дзяды» - гэта дзень памінання, ганаравання памяці родных, калі жывыя сустракаюцца з душамі нябожчыц, успамінаюць пра іх добрым словам, дзякуюць за тое, што маюць ад прашчураў, за іх апякунства.

Звычайна на свята «Дзяды», збіраюцца блізкія людзі, імі вядзецца адмысловая рыхтоўля да спаткання з папярэднімі пакаленнямі ўласнага роду: гатуюцца рытуальныя стравы, якія пасля ўрачыстай вячэры пакідаюць на стале, каб дзяды-духі маглі падмацавацца, а для тых, хто замерз, распальваецца вогнішча на вуліцы.

Запрашаем вас уласнымі вачамі ўбачыць абрад «Дзяды»!

• Расповед пра абрад;
• Захапляльныя майстар-класы;
• Абрад “Дзяды”;

Вас чакае:

За дадатковую плату можна:

• набыць сувеніры ад народных майстроў;
• наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 16 руб.;
• студэнтаў вышэйшых устаноў адукацыі (студэнцкі білет) – 8  руб.; 
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 8 руб.;
• для дзяцей дашкольнага ўзросту – бясплатна.

Экспазіцыя музея працуе з 10:00 да 19:00. Каса працуе з 10:00 да 18:30.

Шаноўныя наведвальнікі!

• Калі ласка, паклапаціцеся пра абутак і вопратку згодна з умовамі надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы.

Квіткі і сувеніры ў касе вы можаце набыць па безнаяўным і наяўным разліку.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170с), Паварот да музея (150), Чыкі; маршрутныя таксі №№1277,1111,1026.