12 красавіка 2026 года

З 13:00 да 14:00

Вялікдзень - найвялікшая хрысціянская ўрачыстасць, якая сімвалізуе адраджэнне, надзею і перамогу жыцця над смерцю. У гэты дзень вернікі адзначаюць Уваскрасенне Хрыстова і пачатак новага, лепшага жыцця.

Свята мае глыбокія карані ў народнай культуры: калісьці з яго пачынаўся новы каляндарны год. Галоўным сімвалам Вялікадня з’яўляецца яйка — увасабленне жыцця, сонца і веснавога абуджэння прыроды. Традыцыйна святкаванне суправаджаецца асвячэннем велікодных страў, гульнямі з яйкамі, песнямі і абрадамі.

Асаблівасцю беларускага Вялікадня з’яўляецца хаджэнне валачобнікаў, якія віншуюць гаспадароў і жадаюць ім здароўя, дастатку і добрага ўраджаю.

Запрашаем усіх жадаючых далучыцца да святкавання, пазнаёміцца з народнымі традыцыямі і правесці час у цёплай, святочнай атмасферы!

Вас чакае:

• Расповед пра традыцыі святкавання Вялікадня на Беларусі;
• Святочныя майстар-класы па ўпрыгожванню велікоднага яйка і выцінанцы;
• Майстар-клас па развучванню валачобных песень;
• Абрад абыходу двароў валачобнікамі;
• Велікодныя гульні: «Біццё і катанне яек»;
• Народныя гульні і танцы.

За дадатковую плату можна:

• набыць сувеніры ад народных майстроў;
• наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 16 руб.;
• студэнтаў вышэйшых устаноў адукацыі (студэнцкі білет) – 8  руб.; 
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 8 руб.;
• для дзяцей дашкольнага ўзросту – бясплатна.

Экспазіцыя музея працуе з 10:00 да 19:00. Каса працуе з 10:00 да 18:30.

Шаноўныя наведвальнікі!

• Калі ласка, паклапаціцеся пра абутак і вопратку згодна з умовамі надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы.

Квіткі і сувеніры ў касе вы можаце набыць па безнаяўным і наяўным разліку.