16 мая 2026 года

з 19:00 да 01:00

18 мая ва ўсім свеце святкуецца Міжнародны дзень музеяў. З гэтай нагоды пад начным небам ў нашым музее можна будзе пачуць не толькі незвычайныя і таемныя гісторыі, але і асабіста пазнаёміцца з беларускімі нячысцікамі, паўдзельнічаць у абрадзе ачышчэння, патанчыць вакол вогнішча ў атмасферы сапраўднай вёскі XIX ст.

А яшчэ музей – гэта зачараванае месца, дзе спалучаюцца розныя эпохі. Таму можна будзе наведаць і сярэднявечны лагер рыцараў.

Не абыдзем бокам і славянскае фэнтэзі – у нашу вёску завітаюць ведзьмары, якія будуць змагацца з нячыстай сілай. 

Апагеям нашага свята стануць выступ рок-гурта «Kas», паказ мод і этнадыскатэка.

Таму запрашаем усіх ахвотных наведаць наш музей, каб апынуцца ў атмасферы чароўнай ночы, дзе спалучаюцца мінулае і сучаснасць.

Вас чакае:

• Сустрэча з нячысцікамі беларускай міфалогіі;
• Шпацыр і размовы пры святле ліхтара;
• Пляцоўка вядзьмароў;
• Лагер рэканструктараў;
• Вогнішча і абрад ачышчэння;
• Выступ рок-гурта «Kas;
• Паказ мод і этнадыскатэка.

За дадатковую плату можна:

- набыць сувеніры ад народных майстроў;

- наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 35 руб.;
• студэнтаў вышэйшых устаноў адукацыі (студэнцкі білет) –  30 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 25 руб.;
• для дзяцей дашкольнага ўзросту – бясплатна.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170с), Паварот да музея (150), Чыкі; маршрутныя таксі №№ 1111,1026.