23 мая ў Музеі народнай архітэктуры і побыту панавала асаблівая атмасфера - тут адзначалі свята "Апошні званок" выпускнікі 2026 года.

Падзея аб'яднала школьнікаў з усіх куткоў Мінска, ператварыўшы гэты дзень у сапраўдны фестываль радасці, творчасці і новых уражанняў.

Усе прысутныя маглі прыняць удзел у разнастайных майстар-класах. Кожны мог паспрабаваць свае сілы ў народных рамёствах і дэкаратыўна-прыкладным мастацтве!

Вучні з вялікім задавальненнем задавальненнем стваралі сувеніры на памяць. Майстры дзяліліся сакрэтамі старажытных тэхналогій, і некаторыя школьнікі нават задумаліся: можа быць, народнае мастацтва стане іх будучым хобі?

Музычныя забаўкі не засталіся без увагі! На імправізаванай сцэне разгарнулася караоке, дзе любы школьнік мог адчуць сябе зоркай. Рэпертуар быў розны: ад сучасных хітоў да класічных школьных песень. А бліжэй да вечара пачалася сапраўдная дыскатэка пад адкрытым небам - тут танчылі ўсе: і выпускнікі, і настаўнікі!

Свята было арганізавана так, каб кожны госць нашага музея змог знайсці сабе цікавы занятак па душы. Хтосьці ўдзельнічаў у гульнях і забаўках на свежым паветры, іншыя аддавалі перавагу прагулкам па старажытных пабудовах і хатах, апускаючыся ў атмасферу народнай культуры і ўтульнага побыту нашага беларускага краю.

Апошні званок у Музеі народнай архітэктуры і побыту - гэта не толькі ўрачысты момант развітання са школай, але і дзень новых сустрэч, яркіх эмоцый і сапраўднага яднання. Школьнікі сыходзілі з усмешкамі, памятнымі сувенірамі і пачуццём, што гэтае свята запомніцца надоўга.

Віншуем усіх выпускнікоў і ўдзельнікаў мерапрыемства з гэтай цудоўнай падзеяй! Няхай кожны новы этап жыцця будзе такім жа яркім, як гэты дзень.